hakuna matata

Zoa wie geer dit laes zitte weer op Zanzibar

mer ff truuk nao de aafgeloupe daag.....

Jambo,

In Dar es Salaam zeen weer opgehaold en mit eine jeep nao t safari park in Selous gereje...

200 kilomaeter wo se zo'n 5 oer euver duis.

Back to basic.

Geine wifi, gein werm water en de sjtroum riete ze ein groat deil van dn daag oet....

Dao hunk auch nurges ein klok.

Alles is hie langzaam. t kalle, t loupe.... alles op ziene tied; HAKUNA MATATA, don't worry.

en ich ken uch zegke det 't sjnel went, zelfs Casper vroog neet mieer nao de wifi code..

Weer höbbe eine toch gemaak  op ein beuëtje, wo w'r  krokodille en nijlpaarden höbbe gezeen, en sangerdaags zeen weer al hieël vreug de savanne in gereje om alle bieëste in 't wiltj te zeen. En det park is zoa immens groat, groater es Nederlandj. Dus t is zeuke en gedöldj höbbe om deere te zeen.. neet wie Casperke dach t op ein oer gezeen te höbbe, esof se in t Gaiapark bös...

Mer t is gelök. weer höbbe d'r väöl gezeen. giraffe, zebra's,  olifante, leeuwe, nijlpaerd, , krokodille, gnoes, ape, hyena, bushbaby's en natuurlik auch pumba, dae van hakuna matata! 

zoa prachtig om te zeen wie  greuetsj de luj hie zeen, op Afrika.... en de dere mit respec benadere... 

mer ein versjil van daag en nach mit wie weer laeve, ze ligke zoa wiet achter....

toch bös se vlot gewènt aan röstig aete, neet dramme, gein wachriej,  gein bereik,

dus eigelik jaomer det dit alles, en veural wifi 't weer ein bietje deej op zanzibar,.. want t is ech waal ein fein geveul alles te laote veur wat t is. 
Mer auch hie op Zanzibar is t: hakuma matata, don't worry........ alles op ziene tied. ....