Stone town/prison island

Weer vreug op en mit eine broor van eine broor van eine dae hie wirk (ummer goodkouper) mit dn taxi nao stone town.. dao wachde os eine gids op. Dae mosse hie ech waal höbbe want anges lök t dich hie neet..eine aardige gast!  Mit ein beuëtje nao prison island, en casper bie t aanblik op al die beuëtjes en sjippers terech opmerkde det haezellef wellich dn enige woor mit ein vaarbewies...vreuger werde vanoet prison island sjlave verhanjeld, mer noe zitte dao hieële groate sjilpadde! Zeen rondj 150 jaor auwt.. zoa groat wie ein sjörkar... toen vlot truuk, want t begoos beheuërlik te weije, en den is det beuëtje mer sjamel es det water hoag begint te klòtsje! Stone town zellef is drök, werm, chaotisch, euveral luj luj en nog ns luj, sjöpkes mit waar en aete... van de vèsjmert ginge de jónges euver hunne nek! Mer waal prachtige kleuëre, veural de vrouwluj in hun gewade, ze rope de gansen daag "jambo" (hallo)  en zeen ummer "hakuna matata" (no problem) En natuurlik wo weer veur koome: t hoes van Freddie! Mike haet t gebaortehoes van ziene groate held gezeen! Freddie Mercury,  van Queen, es dr nog emes is dae dit neet wèt...

De geschiedenis van Zanzibar is oetgebreid en de meujte waert: ff in t kort: De Portugeze wore hie t ieëste en numde t eilandj Zanzibar (zwarte kust) Later wert t een britse kolonie (sjtuur aan angere kantj) en daonao mooste ze bie Tanzania. (Waat ze no ummer lever neet wille) 

Truuk op t resort woor t weer eine angere wereld....