Kotsmisselijk

Op maondig zeen weer op en om ‘t resort gebleve.

Casper en Mike höbbe zich ein paar oer kite-surf-les gepak.

Det veel taege. Casper dach det d’r nao ein kwarteer al euver ‘t water koos sjnäöore, mer nao 3 oer sjtónge ze nog allein mer mit de tuikes in de heng det zeil in de loch (probere) te hauwte.

Dus les veur gevorderde mót op ‘n anger vakansie!

Raf kènt trouwes neet väöl anges den get ligke en get aete en drènke. Want dae haet get aan ziene sjouwer, wèt g’r nog?

In de naomiddig eine pot vollyballe taege ‘t personeel hie.

Saoves woort ‘t aete boete geserveerd/gemaak. Mit afrikaanse meziek en zoa.

De jonges höbbe get luj van hunne doelgroep getroffe oet Nederlandj, dus ‘t woort gezellig pos sjloetes….

Vanmorge zeen weer om 7 oer al nao Mnemba-beach gegange. Det is ein prive eilandj van Bil Gates.

Dao moogs se neet op, mer waal rondjom sjnorkele….

Mit ein beutje mosse daohaer.. en natuurlik eine sjnorkelgids mit.

Nou, ‘t leek waal esof w’r in de aquarium bie de griek zjwomde! Koos pos oppe baom kieke.

Zoa blauw en zoavaol gekleuerde vösje, ongeluifelik…

Waal kapotmakerie, al zoews se det van sjnorkele neet drek dènke.

Ff get (jao ech) water en fruit oppe boat nao eine tied in ‘t water gelaege te hobbe, en toen dolfijne spotte..

En die zoote d’r! Dao mooste w’r ein sjtök veur de aope zieë op, mit al die golve, baohhh….

En es se ze zoogs koos se in t water sjprenge. Det woor heftig, want ‘t water klotsjde zoa hoag en de dolfijne wore vlot. Ze komme ff baove en gaon den weer deep….En den nog die anger beuetjes die auch dao wore…

Dus, drin, droet, drin, droet…

Ich woor kots misselik…. Alles dreijde om mich haer.. mer in ‘t water gesjpied oeteindelijk.

Toen zeen weer richting kantj gagange, ‘t woor good gewaes..

Dao nog flink gesjpied, en toen woor ‘t euver…

Det wore ein paar heftige uurkes, mer waal PRACHTIG! En de meujte en misselikheid waert.

De reistabletjes loge oppe kamer, neet bie naogedach.

Einmaol truuk zoot ich toch nog ein paar uurkes op die golve es ich de auge toedeej..

Casper bedach zich onger ‘t aete daonao, det ‘m van de welt ónger water ‘t ergste leek ein zieësjter te zeen… die ligk mer get te ligke.. Raf leek det dus waal get, zei dae.

Dalik pötje vollyje en afzakkertje mit karaoke. Weer ein dagje wel!

Trouwes, nemes nog aan de sjiet of ónger de mögkeboltje of gekke denger van de malariatablette.